رد تلقائي على تعليقات الفيس بوك
بتنزل بوست، وبعد ساعة تلاقي تحته ٤٠ كومنت: «بكام؟»، «متاح مقاس L؟»، «التوصيل لإسكندرية كام؟». ترد على عشرة، والباقي يستنى. واللي استنى غالباً اشترى من حد تاني.
الرد التلقائي معناه إيه
إن أي حد يكتب كلمة معينة تحت البوست ياخد ردين في ثواني:
رد قصير تحت الكومنت
رسالة على الماسنجر
هتحتاج إيه قبل ما تبدأ
- صفحة فيسبوك تكون أدمن عليها.
- حساب على Speedy Text (الباقة المجانية بترد على أول ٢٥ شخص ومن غير فيزا).
الخطوات
- ١
وصّل الصفحة
افتح «الحسابات» واضغط «اربط قناة»، واختار Facebook، واعمل تسجيل دخول بفيسبوك، وعلّم على الصفحة.
مهم: لو كنت موصّل صفحات قبل كده علّم عليهم كمان. فيسبوك بيحتفظ بس بالصفحات المتعلّم عليها المرة دي، والصفحة اللي ماتتعلّمش هتقف ردودها.
- ٢
اعمل أول قاعدة
القاعدة فيها أربع حاجات:
الكلمة: اكتب الكلمة اللي الناس بتكتبها فعلاً: «بكام»، «السعر»، «تفاصيل». تقدر تخلي القاعدة ترد على الكلمة حتى لو جت جوه جملة، أو على أي إيموچي.الرد تحت الكومنت: جملة قصيرة. اكتب أكتر من نسخة علشان الردود ماتبقاش شبه بعض.الرسالة: السعر، والمقاسات أو الألوان، والتوصيل، ولينك الطلب.فين: اختار إن القاعدة ترد على الكومنتات، أو على رسايل الماسنجر، أو الاتنين.
- ٣
جرّبها قبل ما حد يشوفها
اكتب كومنت زي ما الزبون هيكتبه، وهتشوف أنهي قاعدة ردّت وبعتت إيه بالظبط، وأنهي قواعد كانت قريبة ومردتش وليه.
- ٤
شغّلها
من ساعة ما تشغّلها، أي كومنت فيه الكلمة بياخد رده في ثواني، حتى وانت نايم.
لما الزبون يسأل حاجة مش في القاعدة
بيحصل كتير. حد يكتب «ممكن أكلم حد؟» أو يسأل سؤال انت ماحسبتلوش حساب. في باقة Pro وفوق:
الرد الأوتوماتيك بيقف
المحادثة بتوصلك في الـinbox
وبيفضل ساكت
ولو مفعّل الـAI، بيرد على الأسئلة التانية من الملاحظات اللي انت كاتبها بس: الأسعار ومناطق التوصيل والمواعيد. ولو السؤال مش في ملاحظاتك، بيحوّل المحادثة ليك بدل ما يألّف.
أمثلة ردود جاهزة
غيّر اللي بين الأقواس بأسعارك ولينكك.
محل هدوم
مطعم / أكل بيتي
كورس أو خدمة
الأسئلة الشائعة
الصفحة ممكن تتقفل بسبب الرد التلقائي؟
بيرد بسرعة قد إيه؟
ينفع على انستقرام كمان؟
بكام؟
ابدأ ببلاش — أول ٢٥ شخص من غير فيزا
وصّل صفحتك، اكتب أول قاعدة، وجرّبها بكومنت زي الزبون قبل ما تشغّلها.